پی ایس ایل4 میں نامور پاپ اسٹارزپرفارم کریں گے

اسلام آباد (خبر ایجنسی)پاکستان سپر لیگ(پی ایس ایل) کے چوتھے ایڈیشن کی افتتاحی تقریب کی تیاریاں عروج پر پہنچ گئیں اور تقریب میں فن کا مظاہرہ کرنے والوں کے ناموں کا اعلان کردیا گیا ہے۔پی ایس ایل انتظامیہ نے ایک مرتبہ پھر 14 فروری ہونے والی لیگ کی افتتاحی تقریب کو یادگار بنانے کا فیصلہ کیا ہے اور اس مرتبہ بھی مقامی کے ساتھ ساتھ بین الاقوامی اسٹارز بھی تقریب کا حصہ ہوں گے۔13 سال بعد دوبارہ اکٹھا ہونے والا پاکستان کا مشہور بینڈ جنون افتتاحی تقریب میں بھی شائقین کو لطف اندوز کریگا ۔