ایشین اسکواش چیمپئن شپ جیتنے پر پاکستانی ٹیم کو مبارکباد
لاہور (ایجنسیاں) صوبائی وزیر کھیل و امور نوجوانان رائے تیمور خان بھٹی اور ڈائریکٹر جنرل سپورٹس پنجاب ندیم سرور نے پاکستانی ٹیم کو ایشیئن جونیئر اسکواش چیمپئن شپ جیتنے پر مبارکباد دی ہے، پیر کے روز ٹیم کے نام اپنے الگ الگ تہنیتی پیغامات میں انہوں نے کہا کہ تھائی لینڈ کے شہر پتایا میں ہونے والی ایشیئن جونیئر سکواش چیمپئن شپ میں پاکستان کے شاہینوں نے روایتی حریف بھارت کو2-0 سے شکست دے کر کامیابی حاصل کی، صوبائی وزیر کھیل رائے تیمور خان بھٹی نے کہا کہ فائنل میں عباس زیب اور فرحان ہاشمی نے بھارت کے خلاف شاندار کھیل کا مظاہرہ کیا۔
٭٭٭٭٭
