اے بی ڈی ویلیئرز کے ٹی ٹوئنٹی میں 7 ہزار رنز مکمل

ڈھاکہ(امت نیوز) سابق جنوبی افریقن بلے باز اے بی ڈی ویلیئرز نے ٹی ٹونٹی کرکٹ میں کیریئر کے 7 ہزار رنز مکمل کر لئے، وہ یہ اعزاز حاصل کرنے والے جنوبی افریقہ کے پہلے کھلاڑی بن گئے ہیں، انہوں نے منگل کو بنگلہ دیش میں جاری بنگلہ دیش پریمیئر لیگ میں راجشاہی کی نمائندگی کرتے ہوئے کھلنا ٹائٹنز کے خلاف میچ میں 41 رنز کی اننگز کھیل کر کیریئر کے 7 ہزار رنز کے ہندسے کو عبور کیا، انہوں نے مجموعی طور پر 263 میچز میں 7006 رنز بنا لئے ہیں جس میں ان کی تین شاندار سنچریاں بھی شامل ہیں۔