سرفراز کی ’’زبان‘‘ دھوکہ دے گئی

ڈربن(امت نیوز)سرفراز کی ’’زبان‘‘ دھوکہ دے گئی۔اپنی بداخلاقی کا اعتراف کرلیا۔جنوبی افریقی کھلاڑی کے خلاف غیرمناسب جملے ادا کرنے پر پاکستان کرکٹ ٹیم کے کپتان سرفراز کی میچ ریفری کے سامنے پیشی ہوئی ہے جس میں سرفراز احمد نے اپنی غلطی کا اعتراف کرلیا ہے۔سرفراز احمد نے مؤقف اپنایا ہے کہ نسلی تعصب کا تاثر درست نہیں، میچ کی صورت حال کی وجہ سے غیر ارادی طور پر ایسا جملہ منہ سے نکل گیا۔ میچ ریفری رنجن مدو گالے نے مزید کارروائی کیلئے رپورٹ آئی سی سی کو بھیج دی، سرفراز کے خلاف آئی سی سی کی انضباطی کارروائی متوقع ہے۔ذرائع کا کہنا ہے کہ انٹرنیشنل کرکٹ کونسل سرفراز احمد کے خلاف کارروائی کی تیاری کررہی ہے ۔میچ ریفری نے اپنی رپورٹ مزید کارروائی کیلئے آئی سی سی کو بھیج دی۔ پاکستان کرکٹ ٹیم بھی ڈربن سے جوہانسبرگ پہنچ گئی ہے۔خیال رہے کہ گزشتہ روز ڈربن میں پاکستان کرکٹ ٹیم کے کپتان سرفراز احمد جنوبی افریقا کے خلاف 5 ون ڈے میچز کی سیریز کے دوسرے میچ میں شکست کو سامنے دیکھ کر آپے سے باہر ہوگئے تھے۔