ویرات کوہلی زیادہ فتوحات کے حامل دنیا کے تیسرے کپتان
مائونٹ مانگنوئی(امت نیوز) بھارت کے ویرات کوہلی بطور کپتان ابتدائی63 ون ڈے انٹرنیشنل میچز میں زیادہ فتوحات حاصل کرنے والے دنیا کے تیسرے کھلاڑی بن گئے۔ بھارت نے نیوزی لینڈ کو تیسرے ایک روزہ میچ میں 7 وکٹوں سے شکست دے کر کوہلی کو یہ اعزاز دلوایا۔ یہ بھارت کی 47ویں کامیابی ہے، اسطرح کوہلی نے سابق ویسٹ انڈین کپتان ویون رچرڈز اور جنوبی افریقہ کے ہنسی کرونیے کا ریکارڈ بھی توڑ دیا۔ رچرڈز اور کرونیے نے بحیثیت کپتان ابتدائی63میچز میں46، 46فتوحات حاصل کر رکھی تھیں۔
