ہاکی کھیل کی بحالی کیلئے پاک آرمی متحرک
لاہور (خبر ایجنسی) پی ایچ ایف کے صدر بریگیڈیئر (ر) خالد سجاد کھوکھر سے پاکستان آرمی شعبہ کھیل کے ترجمان نے ملاقات کی جس میں ترجمان آرمی اسپورٹس نے پی ایچ ایف کو قومی کھیل میں بہتری کے لیے مکمل تعاون کی یقین دہانی کراتے ہوئے کہا کہ ہاکی فیڈریشن کے ساتھ مل کر قومی کھیل کی بہتری کے لیے ہر ممکن کام کریں گے۔صدر پی ایچ ایف آئندہ چند روز میں اعلی حکام سے ملاقاتیں کریں گے۔خالد سجاد کھوکھر نے کہاکہ قومی کھیل کی بہتری کے لیے تعاون پر پاک فوج کے شکرگزار ہیں، آرمی نے ہمیشہ کھیلوں کی تعمیر و ترقی کے لیے بھرپور کردار ادا کیا،قومی کھیل میں مدد دینے پر آرمی شعبہ کھیل کے شکر گزار ہیں،ہاکی کی بہتری کے لیے ہر ممکن کوشش کر رہے ہیں۔
