ہوبارٹ ہوریکینز نے ٹاپ پوزیشن پر قبضہ جما لیا

سڈنی (امت نیوز)بگ بیش لیگ میں ہوبارٹ ہوریکینز نے برسبین ہیٹ کو 9 وکٹوں سے ہرا کر ٹاپ پوزیشن پر قبضہ جما لیا۔ ایڈیلیڈ اسٹرائیکر ز کے خلاف سڈنی سکسرز نے اپنا میچ جیت لیا۔آسٹریلیا میں چوکوں چھکوں کی برسات، بگ بیش لیگ میں ہوبارٹ ہوریکینز کی ٹیم 9 وکٹوں سے کامیاب رہی۔ برسبین ہیٹ ایک سو پینتالیس رنز کا دفاع نہ کرسکی۔ ہوبارٹ کے ڈار سی شاٹ۔اور کیلب جیویل نے نصف سنچریاں اسکور کیں۔ایک اور میچ میں ایڈیلیڈ اسٹرائیکرز 8 وکٹوں سے ناکام ہوئی۔ سڈنی سکسرزکو ایک سو پچیس رنز کا ہدف ملا تھا۔ جو اس نے 2 وکٹوں کے نقصان پر پورا کر لیا۔