لاہور قلندرز اس بار ہرانا آسان نہیں ہوگا -محمد حفیظ

لاہور (امت نیوز)لاہور قلندرز کے کپتان محمد حفیظ نے مداحوں کو یقین دلایا ہے کہ اس مرتبہ پاکستان سپر لیگ میں قلندرز جیت کی راہ پر گامزن ہوں گے اور ان کے میچز کے نتائج گزشتہ ایونٹس سے مختلف ہوں گے۔ میڈیا سے گفتگو کرتے ہوئے محمد حفیظ کا کہنا تھا کہ ہماری ٹیم متوازن ہے کیونکہ ٹیم انتظامیہ نے اس مرتبہ کھلاڑیوں کے انتخاب میں اچھا کام کیا ہے۔ان کا مزید کہنا تھا کہ ٹیم کے تمام کھلاڑی امیدوں کے مطابق اچھی پرفارمنس دینے کی کوشش کرتے ہوئے لاہور کے مداحوں کو وہ خوشی دیں گے جو انہیں گزشتہ 3 سیزنز سے نہیں ملی۔محمد حفیظ گزشتہ تین ایونٹس میں پشاور زلمی کی نمائندگی کر چکے ہیں، تاہم اس مرتبہ لاہور قلندرز نے کھلاڑیوں کے ڈرافٹ میں ان کا انتخاب کیا ہے۔محمد حفیظ کہتے ہیں کہ وہ اپنی کارکردگی سے لاہور قلندرز کی فتح میں اپنا کردار ادا کرنے کی کوشش کریں گے۔