میکسیکن اوپن ٹینس میں نامور پلیئرز کی پیشقدمی

میکسیکنسٹی (امت نیوز) سٹین واورینکا، سٹیوجانسن، فرانسز تیافوئے اور جان ملمین میکسیکن اوپن ٹینس ٹورنامنٹ مینز سنگلز پری کوارٹر فائنل میں پہنچ گئے۔ میکسیکو میں جاری ایونٹ میں گزشتہ روز کھیلے گئے مینز سنگلز پہلے راؤنڈ میچز میں سوئس کھلاڑی واورینکا نے عمدہ کارکردگی کا مظاہرہ کرتے ہوئے نے حریف امریکن کھلاڑی ریان ہریسن کو سخت مقابلے کے بعد ٹائی بریک پر 6-4 اور 7-6(8-6) سے ہرا کر پری کوارٹر فائنل میں پہنچ گئے، امریکن کھلاڑی سٹیوجانسن نے میزبان ملک کے کھلاڑی گیرارڈو لوپز کو 7-5 اور 7-5 سے شکست دے کر پری کوارٹر فائنل میں جگہ بنا لی، امریکہ کے فرانسز تیافوئے نے تھامسن کو زیر کر کے پری کوارٹر فائنل کیلئے کوالیفائی کیا، جان ملمین بھی پہلی رکاوٹ عبور کرنے میں کامیاب رہے، انہوں نے اسپینش کھلاڑی گرانولرز کو شکست فاش سے دوچار کیا۔
٭٭٭٭٭