بھارت اور آسٹریلیا کے درمیان ون ڈے سیریز شروع

حیدرآباد دکن (امت نیوز) بھارت اور آسٹریلیا کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا پہلا میچ (آج) ہفتہ کو حیدر آباد دکن میں کھیلا جائیگا۔ یہ میچ ڈے اینڈ نائٹ ہوگا۔ اس سے قبل آسٹریلوی ٹیم نے بھارت کو دو ٹی ٹونٹی میچوں کی سیریز میں کلین سویپ کیا تھا۔ کینگروز نے بھارت کو پہلے ٹی ٹونٹی میچ میں 3 وکٹوں سے شکست دی تھی جبکہ دوسرے میچ میں مہمان ٹیم نے بھارت کو 7 وکٹون سے شکست دی تھی۔ یاد رہے کہ آسٹریلوی ٹیم حال ہی میں بھارت کے ہاتھوں ہوم ٹیسٹ اور ون ڈے سیریز میں شکست کے بعد اب بھارتی سرزمین پر میزبان ٹیم کو شکست دے کر ناکامیوں کا بدلہ چکانے کیلئے ایکشن میں ہے اور اس مقصد میں وہ کچھ حد تک کامیاب ہوچکی ہے۔ کینگروز نے بھارت کو ٹی ٹونٹی سیریز میں وائٹ واش کر دیا ہے اور اب وہ پانچ ون ڈے میچوں کی سیریز بھی اپنے نام کرنے کے لئے پر عزم ہے۔ دونوں ٹیموں کے درمیان پانچ ایک روزہ بین الاقوامی میچوں پر مشتمل سیریز کا پہلا میچ آج کھیلا جائے گا۔
٭٭٭٭٭