واپڈا نے ساتویں نیشنل مینز آرچری چیمپئن شپ جیت لی

لاہور (امت نیوز) سنسنی خیز مقابلے کے بعد واپڈا نے دفاعی چیمپئن پاکستان آرمی کو ہرا کر ساتویں نیشنل مینز آرچری چیمپئن شپ جیت لی۔ٹیم ٹائٹل کے علاوہ چیمپئن شپ کا انفرادی ٹائٹل بھی واپڈا ہی کے تیر انداز عبدالرحمن کے نام رہا۔تین روزہ نیشنل آرچری چیمپئن شپ کراچی میں منعقد ہوئی جس میں مجموعی طور پر 10ٹیموں کے کھلاڑیوں نے حصہ لیا۔ مذکورہ ٹیموں میں بلوچستان ، خیبر پختونخوا ، پنجاب ، سندھ ، اسلام آباد ، گلگت بلتستان ، آرمی ، کسٹمز ، پولیس اور واپڈا شامل ہیں۔
٭٭٭٭٭