اسلام آباد نیٹ بال ٹیم کے چنائو کے سلسلہ میں دو روزہ ٹرائلز6 مارچ سے شروع ہونگے

اسلام آباد(آن لائن)اسلام آباد نیٹ بال ایسوسی ایشن کے زیراہتمام اسلام آباد نیٹ بال ٹیم کے چنائو کے سلسلہ میں دو روزہ ٹرائلز 6 مارچ کوپاکستان سپورٹس کمپلیکس میں شروع ہونگے، اسلام آباد نیٹ بال ایسوسی ایشن کے صدر کرنل(ر)غلام مرتضی شاہ نے بتایا کہ منتخب ٹیم قومی نیٹ بال چیمپئن شپ 29 مارچ سیپاکستان سپورٹس کمپلیکس کے حمیدی ہال میں شروع ہوگی، جس میں اسلام آباد کی مردوں اور خواتین کی ٹیمیں شرکت کریں گی، انہوں نے کہا کہ ٹرائلز کے دوران 15 مرد اور 15 خواتین کا چنائو کیا جائے گا، انہوں نے کہا کہ کھلاڑیوں کے چنائو کے دو ہفتے کا تربیتی کیمپ لگایا جائے گا اور کیمپ کمانڈنٹ اسلام آباد نیٹ بال ایسوسی ایشن کے سیکرٹری جاوید بنگش ہونگی۔
٭٭٭٭٭