آل لانڈھی کورنگی ارباز میموریل فٹبال ٹورنامنٹ 36 بی سینٹر نے جیت لیا

کراچی (اے پی پی)آل لانڈھی کورنگی ارباز میموریل فٹ بال ٹورنامنٹ 36 بی سینٹر فٹ بال کلب نے جیت لیا۔واحد سپورٹس کلب کورنگی کے زیر اہتمام آل لانڈھی کورنگی ارباز میموریل فٹ بال ٹورنامنٹ کا انعقاد کیا گیا۔ ٹورنامنٹ کا فائنل 36 بی سینٹر ایف سی اور ارباز میموریل ایف سی کے درمیان کھیلا گیا جو 36 بی سینٹر ایف سی نے 4-0 سے جیت کر ونر ٹرافی اپنے نام کر لی۔ فائنل میچ کے پہلے ہاف میں 36 بی ایف سی نے شاندار کھیل پیش کیا اور تین گول کی سبقت حاصل کر لی جبکہ میچ کے دوسرے ہاف میں بھی 36 بی سینٹر نے مزید ایک گول کر کے فائنل 4-0 سے اپنے نام کر لیا۔
٭٭٭٭٭