انٹرنیشنل کرکٹ پر توجہ ہے-سکندر رضا

کراچی (امت نیوز) پاکستانی نژاد زمبابوین کرکٹر سکندر رضا کا کہنا ہے کہ لیگز اپنی جگہ میری اصل توجہ انٹرنیشنل کرکٹ پر مرکوز ہے۔ ایک انٹرویو میں سکندر رضا نے کہاکہ میں زمبابوین ٹیم کے ساتھ 2015 میں انٹرنیشنل میچز کیلیے لاہور آیا تھا، وہاں بڑا خوشگوار وقت گزرا اور ڈھیروں محبتیں سمیٹیں، گزشتہ پی ایس ایل سیزن میں بھی لاہور میں کھیلے۔ اس بار کراچی میں بھی موقع مل گیا اور لاہوریوں کی طرح کراچی والوں کی جانب سے بھی بڑی پیار مل رہا ہے۔
٭٭٭٭٭