بھارت نے جولائی میں ایران سے ساڑھے 7 لاکھ بیرل تیل خریدا

تہران (اے پی پی) بھارت نے جولائی کے مہینے میں ایران سے ریکارڈ ساڑھے 7 لاکھ سے زائد بیرل خام تیل درآمدکیا۔ایرانی خبررساں ادارے کے مطابق بھارت کی جانب سے گزشتہ ماہ جولائی میں ایرانی تیل کی خریداری میں 30 فیصد کا اضافہ دیکھنے میں آیا جبکہ مجموعی طور پر اس نے 7 لاکھ 68 ہزار بیرل کام تیل ایران سے خریدا۔بھارت کی سرکاری ریفائنری کمپنیوں نے ایرانی تیل کی خریداری میں اضافہ کیا ہے جس کے تحت گزشتہ سال کے اعداد و شمار کو اگر دیکھا جائے تو بھارت کو ایرانی تیل کی برآمدات میں 85فیصد کا اضافہ ریکارڈ کیا گیا ہے۔بھارتی وزیر تیل دھرمندرا پرادھان نے گزشتہ ماہ کہا تھا کہ ایران سے تیل خریداری کی شرح گزشتہ سال کے مقابلے میں 50فیصد بڑھ گئی ہے۔