4نوسرباز خواتین جیولری کی دکان سے8تولے سونا لے اڑیں

لاڑکانہ(نمائندہ امت) لاڑکانہ کے مرکزی تجارتی ریشم بازار میں دن دیہاڑے چوری کی واردات میں 4 نو سر باز خواتین نے جیولرز کی دکان میں گھس کر 4 لاکھ روپے مالیت کے 8 تولہ سونے کا باکس چوری کر کے فرار ہوگئیں، واقعے کی سی سی ٹی فوٹیج سامنے آگئی ۔ صراف فرحان شیخ نے سی سی ٹی وی فوٹیج کے بعد متعلقہ مارکیٹ تھانہ اطلاع کردی، جس پر پولیس نے شواہد اکھٹے کیے۔ واقعے کے متعلق ابتدائی رپورٹ جیولرز دکان مالک کی درخواست پر درج کی گئی ،جس کے بعد پولیس نے تفتیش شروع کردی ہے۔ اس موقع پردکان کے مالک فرحان شیخ نے بتایا کہ دکان میں سی سی ٹی وی کیمرہ نہ ہونے کے باعث واردات ریکارڈ نہ ہو سکی ،میں دکان میں اکیلا تھا3 خواتین گاہک پہلے سے موجود تھیں۔ انہوں نے بتایا کہ 8 باکس کھول کر ٹیبل پر رکھے تھے کہ4 نو سر باز خواتین آئیں اور ایک باکس چوری کر کے لے گئیں ہیں۔