فوزیہ بہرام- مریم اورنگزیب سمیت 43مخصوص نشستوں پر منتخب

اسلام آباد(خبرنگارخصوصی)مخصوص نشستوں پرفوزیہ بہرام،مریم اورنگزیب،سیماجیلانی اورکنول شوذب سمیت 43جبکہ اقلیتی نشستوں پر 6نام سامنے آگئے۔شیریں مزاری ،منزہ حسن،حناربانی اورشگفتہ جمانی بھی شامل ہیں۔تفصیلات کے مطابق خواتین کی مخصوص 60 نشستوں پرمتوقع ممبر قومی اسمبلی بننے والی خواتین کی فہرست سامنے آگئی ہے ۔الیکشن کمیشن ذرائع کا کہنا ہےکہ پاکستان تحریک انصاف سے ڈاکٹر شیریں مزاری، منزہ حسن، عندلیب عباس، عاصمہ قدیر، عالیہ حمزہ، جویریہ ظفر ممبر قومی اسمبلی بن سکیں گی۔پی ٹی آئی کی کنول شوذب، ڈاکٹر سیمی بخاری ، ثوبیہ کمال ، نوشین حمید،روبینہ جمیل ، ملائیکہ بخاری، فوزیہ بہرام ،رخسانہ نوید، تاشفین صفدر، وجیہہ اکرام ،صائمہ ندیم، غزالہ سعید، نزہت پٹھان اورنصرت وحید کابھی ممبر قومی اسمبلی بننے کا امکان ہے۔ مخصوص نشستوں پر مسلم لیگ ن سے طاہرہ اورنگزیب، شائستہ پرویز، عائشہ رجب بلوچ ، مریم اورنگزیب ، شزا فاطمہ، عائشہ غوث پاشا ،زہرا ودود فاطمی، کرن ڈار ، خورشید عالم ،مسرت آصف، زیب جعفر، ثمینہ مطلوب ،شہباز سلیم، سیما جیلانی کا بھی ممبر قومی اسمبلی بننے کا امکان ہے ۔پیپلز پارٹی کی جانب سے حنا ربانی کھر، شگفتہ جمانی ،مسرت رفیق، ناز بلوچ، شاہدہ رحمانی، مہرین بھٹو ، یاسمین شاہ، شازیہ صوبیہ کا بھی مخصوص نشست پر ممبر قومی اسمبلی منتخب ہونے کا امکان ہے ۔ایم کیو ایم کی کشور زہرا اور مسلم لیگ ق سے فرخ خان مخصوص نشست پر ممبر قومی اسمبلی بن سکیں گی، اقلیتوں کی مخصوص نشستوں پر پیپلز پارٹی کے رمیش لال اور نوید عامر،تحریک انصاف کے لال چند اور شہنیلا رتھ ،ن لیگ کے ڈاکٹر درشن لال اور کھیل داس کوہستانی کا ممبر قومی اسمبلی بننے کا امکان ہے۔