ٹین پن باؤلنگ ایونٹ میں پانچ سو کھلاڑیوں کی شرکت یقینی

راولپنڈی(امت نیوز) پاکستان ٹین پن باؤلنگ فیڈریشن کے زیراہتمام آزادی کپ ٹین پن باؤلنگ چیمپئن شپ 10 اگست سے راولپنڈی میں شروع ہو گی۔ پاکستان ٹین پن باؤلنگ فیڈریشن کے سیکرٹری اعجاز الرحمن نے اے پی پی کو بتایا کہ چیمپئن شپ کا انعقاد پہلی بار راولپنڈی میں کیا جا رہا ہے اور ٹورنامنٹ کے کامیاب انعقاد کیلئے تیاریاں جاری ہیں۔ انہوں نے بتایا کہ چیمپئن شپ 10 سے 14 اگست تک لیژر سٹی باؤلنگ کلب جناح پارک راولپنڈی میں کھیلی جائے گی جس میں ملک بھر سے پانچ سو سے زائد کھلاڑی حصہ لیں گے۔ انہوں نے کہا کہ چیمپئن شپ میں آٹھ مختلف کیٹیگریز کے مقابلے منعقد ہونگے جن میں مردوں کے سنگلز، ڈبلز، ٹیم، ڈیف، خواتین، انڈر -12، انڈر -16 اور میڈیا کے ایونٹ شامل ہیں۔ چیمپئن شپ کے فائنل مقابلے 14 اگست کو ہوں گے