باکسنگ لیگ کیلئے کراچی میں دو روزہ ٹرائلز مکمل

کراچی (امت نیوز) ملک بھر میں پاکستان کی پہلی سپر باکسنگ لیگ کے ٹرائلز جاری ہیں، کراچی میں دو روزہ ٹرائلز مکمل ہوگئے، یہ ٹرائلز20جولائی سےجاری ہیں جو11اگست تک ہوں گے۔تفصیلات کے مطابق سپر باکسنگ لیگ پاکستان کے روڈ ٹو دا رنگ کے ٹرائلز کے ذریعے ملک بھر سے بہترین باکسرز کی تلاش ملک بھر میں جاری ہے، پاکستان کی پہلی پروفیشنل سپر باکسنگ لیگ کیلئے شہر قائد میں ہونے والے دو روزہ ٹرائلز مکمل ہوگئے۔شہر کراچی میں نئے باکسرز کی کھوج مکمل ہوگئی، دو روزہ ٹرائلز میں کانٹے کے مقابلے دیکھنے کو ملے، کے سیون اکیڈمی میں فیدر ویٹ سے ہیوی ویٹ کیٹیگری تک مکوں کی برسات ہوئی۔