چکوال میں قبروں سے مردے چرانے والا رنگے ہاتھوں گرفتار

چکوال(نمائندہ امت)قبریں کھود کر مردے نکالنے والا رکشہ ڈرائیور رنگے ہاتھوں پکڑا گیا،شہریوں نے درگت بنانے کے بعد پولیس کے حوالے کر دیا،تفتیش کے لیے پولیس نے جسمانی ریمانڈلے لیا۔رکشہ ڈرائیور عبدالوحید جو کہ دولتالہ کا رہائشی بتایا جاتا ہے اور تھنیل پھاٹک پر کرائےکے مکان میں رہائش پذیر ہے دن کو رکشہ چلاتا اور رات کو قبرستان سے مردے نکال کر لے جاتا ۔گزشتہ شب عثمانیہ قبرستان میں رات گیارہ بجے کے قریب قبر کھود کر میت کو باہر نکال رہا تھا کہ لواحقین پہنچ گئے اور انہوں نے درگت بنانے کے بعد دیگر شہریوں کی مدد سے سٹی پولیس کے حوالے کر دیا۔ جہاں عبدالوحید کی مدعیت میں ملزم رکشہ ڈرائیور کے خلاف مقدمہ درج کرلیاگیا۔ ملزم سے پوچھ گچھ کے لیے جسمانی ریمانڈ بھی لے لیاگیاہے۔تفتیش کے دوران پولیس اس بات کا پتہ لگائے گی کہ ملزم اس طرح کی وارداتیں کیوں کرتا تھااور میتوں کے ساتھ کیا سلوک کرتاتھا۔