عالمگیر ٹرسٹ کے تحت مہران ٹاؤن کورنگی میں ماڈل پارک کا سنگ بنیاد

کراچی (پ ر) عالمگیر ویلفیئر ٹرسٹ کے تحت کورنگی سیکٹر6-A مہران ٹاؤن میں ماڈل پارک کا سنگ بنیاد رکھا گیا۔ کراچی ڈائریکٹر جنرل کے ڈی اے سمیع الدین صدیقی نے تختی کی نقاب کشائی کی اور پودا لگایا۔ اس موقع پر ڈی سی کورنگی قرۃ العین شیرمین عالمگیر ویلفیئر ٹرسٹ کے چوہدری نثار احمد، جنرل سیکریٹری شمیم چاندنہ، شکیل دہلوی، ریحان یاسین، نثار احمد اور مونس شکیل موجود تھے۔ تقریب سے خطاب میں سمیع الدین صدیقی نے کہاکہ عالمگیر ٹرسٹ کا پارک کو گود لینے کا اقدام خوش آئند ہے۔ کے ڈی اے اس ضمن میں ہر ممکن تعاون کریگی ۔ اس موقع پر بریفنگ دیتے ہوئے ترجمان ٹرسٹ شکیل دہلوی نے بتایا کہ پارک چہل قدمی کیلئے واکنگ ٹریک بھی ہوگا۔ انہوں نے ڈونرز سے اپیل کی کہ زیادہ سے زیادہ عطیات دے کر منصوبہ جلد مکمل کرنے میں ٹرسٹ کی مدد کریں۔