ایرانی انقلابی گارڈز کا عراق سے آنیوالے 10 دہشت گردوں کومارنے کا دعویٰ

تہران( آن لائن)ایران کی انقلابی گارڈزنے دعویٰ کیا ہے کہ انہوں نے ایک دہشتگردٹیم کے کم ازکم 10ارکان کوہلاک کردیاہے جوکہ عراق سے ملک میں داخل ہوئے تھے ۔ گارڈزکی زمینی افواج کے ڈویژن کی طرف سے جاری ایک بیان میں کہاگیاہے کہ حملہ آورمغربی آذربائیجان کے شمال مغربی صوبہ اوشناویہ کے نزدیکی سرحدی علاقے کے ذریعے داخل ہوئے ۔ اس کاکہناہے کہ شدیدجھڑپ کے دوران کم ازکم 10 دہشت گردوں کوہلاک کیاگیااوردیگرزخمی ہوئے ۔ بیان میں مزید کہا گیاہے کہ اس دہشتگردٹیم کے خاتمے کے بعدبھاری تعدادمیں ہتھیار،گولہ باروداورمواصلاتی آلات قبضے میں لئے گئے ہیں ۔ ایران کوعلاقے میں کردش باغیوں سے دیرینہ خطرہ لاحق ہے اورامریکہ سعودی عرب اوراسرائیل پرمزاحمت کی حمایت کرنے کاالزام عائد کرتا ہے۔