انڈر 17 سندھ ہاکی چمپئن شپ 14 اگست سے شروع گی

کراچی(امت نیوز)سندھ ہاکی ایسوسی ایشن کے زیراہتمام انڈر 17 سندھ ہاکی چمپئن شپ 14 اگست سے شروع گی۔ سندھ ہاکی ایسوسی ایشن کے جنرل سیکرٹری محمد رمضان جمالی کے مطابق چمپئن شپ سندھ کے چار مختلف ڈسٹرکٹ میں کھیلی جائیگی جس میں کراچی ،حیدرآباد ،سکر ،خیرپور شامل ہیں۔کراچی سنٹر میں ڈی ایچ اے ایسٹ، ڈی ا یچ اے ساؤتھ، ملیر اور ڈی ایچ اے سینٹرل شامل ہیں جبکہ حیدرآباد میں ڈسٹرکٹ جامشورو، میرپور خاص، سانگھڑ، حیدرآباد شامل ہیں جبکہ خیرپور سنٹر میں ڈسٹرکٹ دادو، ڈسٹرکٹ نوشیروفیروز، ڈسٹرکٹ نوابشاہ، ڈسٹرکٹ خیرپور شامل ہیں جبکہ سکھر سنٹر میں ڈسٹرکٹ جیکب آباد، ڈسٹرکٹ کشمور، ڈسٹرکٹ گھوٹکی، ڈسٹرکٹ لاڑکانہ اور سکھر شامل ہیں۔ انہوں نے کہا کہ چیمپئن شپ میں یکم جنوری 2002ء کے بعد پیدا ہونے والے کھلاڑی حصہ لینے کے اہل ہونگے۔