انٹرپول نے ندیم نصرت کے ریڈ وارنٹ جاری کردیئے

کراچی (این این آئی)انٹر پول نے ایم کیو ایم لندن کے رہنما ندیم نصرت کی بیرون ملک سے گرفتاری کیلئے ریڈ وارنٹ جاری کر دئیے۔برطانیہ میں رہائش پذیر ملزم کو پکڑ کر پاکستان کے حوالے کیا جائے گا۔میڈیا رپورٹ کے مطابق ایم کیو ایم لندن کے رہنما ندیم نصرت کے خلاف کراچی میں مختلف مقدمات درج ہیںَ،جن میں مقامی عدالتیں انہیں اشتہاری قرار دے کر دائمی وارنٹ جاری کرچکی ہیں۔ جب کہ بیرون ملک سے گرفتاری کیلئے محکمہ داخلہ سندھ کی درخواست پر ایف آئی اے نے ریڈ وارنٹ کے اجرا کیلئے انٹرپول کو درخواست کی تھی۔