اسٹیل مل کی اراضی پرشمشان گھاٹ بنانے کا منصوبہ

اسلام آباد(نمائندہ امت)سربراہ سے محروم پاکستان اسٹیل مل میں ہندو افسران کا ایک متحرک گروپ ادارے کے تمام اہم ڈیپارٹمنٹس کے نہ صرف کلیدی عہدے حاصل کرچکا ہے بلکہ ادارے کی قیمتی زمین پر شمشان گھاٹ بنوانے کیلئے بھی سرگرم عمل ہےجبکہ اس مقصد کیلئے اسٹیل مل کا ایک 500 گزکا ایمینیٹی پلاٹ مقامی ہندو پنچائیت کمیٹی کو بطور گفٹ حوالے بھی کیاجاچکا ہے۔ ہندو افسران کے مجوزہ شمشان گھاٹ منصوبے کوپی پی کے مقامی ایم این اے جام کریم کی سرپرستی حاصل ہے۔ واضح رہے کہ شمشان گھاٹ مبینہ منصوبے کیلئے اسٹیل مل سے لی جانے والی زمین نہ صرف ٹاؤن شپ قبرستان سے نزدیک گلشن حدید فیز III اور لنک روڈ سے بھی قریب ہے جہاں سے کچھ ہی فاصلے پر پاک فوج کا فائرنگ رینج سیٹ اپ موجود ہے۔ ذریعے کا کہنا ہے کہ اکثریتی مسلم آبادی کومردے جلانے کی مخصوص جگہ شمشان گھاٹ قائم کرنے کے مجوزہ منصوبے پر شدید تحفظات ہیں بلکہ مقتدر حلقوں نے بھی اعتراضات اٹھا دئیے ہیں، اسٹیل مل کے موجودہ ہندو سیٹ اپ کے حوالے سے اہم ذر یعے نے بتایا کہ چیئرمین سیکریٹریٹ کے اقلیتی افسر TSO ہریش کمار نے ادارے کے موجودہ نگران A-PEC ٹیکنیکل سروسز نصرف اسلام بٹ اور انچارج اے اینڈ پی ریاض حسین منگھی کو کمال مہارت سے استعمال کرتے ہوئے ادارے کے تمام اہم ڈیپارٹمنٹ کے کلیدی عہدوں پر اپنے ہندو افسران تعینات کروادئیے ہیں جن کے شعبوں اور عہدوں کی تفصیل اس طرح سے ہے گگن داسSE انچارج ڈیولپمنٹ ڈیپارٹمنٹ ۔ مدن لال SE انچارج انجینئرنگ کنٹریکٹ ڈیپا رٹمنٹ ، ڈاکٹر چندر کمار انچارج میڈیکل100 بیڈاسپتال ۔ بھرت لال (SE) انچا رج ہیومن ریسورس ڈیپارٹمنٹ ، آنگن داس (SE)انچا رج بلٹ مل ۔ راج کمال(SE) انچارج تھر مل پاور پلانٹ ۔ جبکہAXEN اشوک کمار انچارج ڈولومانیٹ پروجیکٹ کے عہدے پر براجمان ہیں۔ ادارے میں متحرک ان ہندو افسران کے گروپ لیڈر TSO ہریش کمار ہیں جو کہ مقامی ہندو پنچائیت کمیٹی کے صدر سری چند ککریجہ جو کہ یوسی کونسلر اور علاقے میں رئیل اسٹیٹ کا کاروبار کرتاہے کے سا تھ مل کر اند رون سندھ کے ہندوؤں کو گلشن حدید فیز ون ٹو ایکٹیشن میں بسانے کے ایجنڈے پر کام کررہے ہیں۔ ذریعے کے مطابق گلشن حدید کے صرف اسی سیکٹر میں اقلیتی ہندو برادری کی طرف اتنی بھاری سرمایہ کاری ہوئی ہے کہ علاقے میں زمینوں کی قیمتوں کا توازن بگڑ کر رہ گیا ہے۔ 500گز کا پلاٹ دو سے ڈھائی کروڑتک میں فروخت ہورہا ہے۔ ذریعے کا کہنا ہے کہ اس ہندو بساؤ منصوبے میں تمام بنیادی سہولیات کے ساتھ علاقے میں مردے جلانے کی مخصوص جگہ (شمشان گھاٹ) کا ہونا بھی ضروری ہے اسٹیل مل کی زمین پر شمشان گھاٹ بنانے کا مجوزہ منصوبہ اسی سلسلے کی کڑی ہے ۔زریعے کے مطابق ہندو پنچائیت کمیٹی کو شمشان گھاٹ مجوزہ منصوبے کیلئے الاٹ ہونے والا پلاٹ اسٹیل مل نے گزشتہ سال پیپلزپارٹی کے موجودہ مقامی ایم این اے جام کریم کی اپروچ پر حاصل کیا تھا ۔