ڈکیتی مزاحمت و پراسرار گولیاں لگنے سے 2بچوں سمیت 4افراد زخمی

کراچی(اسٹاف رپورٹر)مختلف علاقوں میں ڈکیتی مزاحمت و پراسرار گولیاں لگنے سے2بچوں سمیت 4افراد زخمی ہوگئے۔ اورنگی ساڑھے 11میں لوٹ ما رکے دوران مزاحمت پر گولی لگنے سے50 سالہ ریاض الدین ولد معین الدین زخمی ہوگیا۔ لیاقت آباد میں مسلح ملزمان نے لوٹ مار کے دوران مزاحمت پر فائرنگ کردی، جس کی زد میں آ کر راہ گیر12سالہ شاہ میر زخمی ہوگیا۔ کورنگی کراسنگ کے قریب مسلح ملزمان نے دوران ڈکیتی مزاحمت پر 39سالہ ہاشم ولد مہر بخش کو گولی مار کر زخمی کردیا۔ بلدیہ کے علاقے کوکن سوسائٹی میں نامعلوم سمت سے آنے والی گولی لگنے سے 10سالہ حمزہ ولد زاہد زخمی ہوگیا۔