عمران کے زرداری – بلاول شہباز سے مصافحے مرکزِ نگاہ

اسلام آباد (نمائندہ امت۔خبر نگار خصوصی)15 ویں قومی اسمبلی کے افتتاحی اجلاس کے موقع پر عمران خان اسمبلی میں پہنچے تو مختلف رہنماؤں نے ان سے ملاقاتیں شروع کر دیں اور ساتھ تصاویر بھی بنائیں ۔عمران خان کی آصف زرداری کے ساتھ انتہائی پُر جوش مصافحہ کرتے ہوئے تصویر بھی تیزی کے ساتھ انٹرنیٹ پر وائرل ہوئی ۔ عمران اور زرداری کے مابین پر جوش مصافحے نے دونوں جماعتوں کے ممبران کو تالیاں بجانے پر مجبور کر دیا ۔اس موقع پر دونوں رہنماؤں کے درمیان مسکراہٹوں کا تبادلہ بھی ہوا۔