قمر زمان کی نومنتخب اسکوائش صدر کو مبارکباد

اسلام آباد(امت نیوز)پاکستان سکوائش فیڈریشن کے نائب صدر اورسابق نامور کھلاڑی قمر زمان نے چیف آف ایئر سٹاف ایئر چیف مارشل مجاہد انور خان کو پاکستان سکوائش فیڈریشن کا نیا صدر منتخب ہونے پر مبارکباد دی ہے ۔پیر کو اپنے ایک بیان میں انہوں نے کہا کہ انور خان خود بھی سکوائش کے اچھے کھلاڑی رہے ہیں، ان کی اس کھیل کے حوالے سے سوچ وسیع ہے، وہ ملک میں سکوائش کھیل کی ترقی و فروغ کیلئے ذاتی دلچسپی لے رہے ہیں جو کہ اچھا اقدام ہے۔