رینجرز نے منشیات فروشوں سمیت 12ملزم دھرلیے۔اسلحہ برآمد

کراچی(اسٹاف رپورٹر) رینجرز نے مختلف علاقوں میں کارروائی کرتے ہوئے 12 ملزمان کو گرفتار کرکے غیر قانونی اسلحہ،اورمنشیات برآمد کرلی۔ ترجمان رینجرز کے اعلامئے کے مطابق گڈاپ کے علاقے سے ڈکیتی کی متعدد وارداتوں میں ملوث 2 ملزمان عامر عرف جانی اور عبدالغفار عرف فیضان کو گرفتار کیا گیا۔ گبول ٹائون اور نیو کراچی کے علاقوں سے رینجرز نے پولیس کے ساتھ مشترکہ کارروائی کرتے ہوئے 6ملزمان شاہ رخ عرف چیکو، محمد اقبال، آدم عرف بکرا، محمد فیصل، محمد یونس اور شمروز عرف شمع کو گرفتار کیا ، جو منشیات فروشی اور اسٹریٹ کرائم کی متعدد وارداتوں میں ملوث ہیں۔ رینجرز نےکلری کے علاقے سے ملزم محمد اظہر ،سعید آباد اور گلشن معمار کے علاقوں سے 3منشیات فروشوں محمد دانش، نعمان عرف نومی اور نور ولی کو گرفتار کیا۔ ترجمان رینجرز کے مطابق ملزمان سے غیر قانونی اسلحہ، ایمونیشن، مسروقہ سامان اور منشیات برآمد ہوئی ہے۔