بلوچستان میں باراتیوں کی گاڑی الٹنے سے 3 بھائیوں سمیت 4 جاں بحق

کوئٹہ (نمائندہ خصوصی)بلوچستان کے علاقے بغاؤ میں باراتیوں کی گاڑی الٹنے سے 3بھائیوں سمیت4افراد جاں بحق ،جبکہ 7زخمی ہوگئے ۔ باراتیوں کا تعلق لورالائی سے بتایاجارہاہے ۔گزشتہ روز بغاؤ کے علاقے میں باراتیوں سے بھری گاڑی الٹ گئی ،جس کے نتیجے میں 2بچوں سمیت 4افراد موقع پر جاں بحق ہوگئے جن میں 3 بھائی سرور طاہر اور قادر شامل ہیں جبکہ چوتھے شخص کی شناخت متین کے نام سے ہوئی ہے ،جبکہ 7 زخمی ہوگئے ہیں ۔زخمیوں کو سنجاوی اسپتال میں طبی امداد کے بعد کوئٹہ بھجوا دیا گیا۔ حادثے کاشکار بدقسمت باراتیوں کا تعلق لورالائی اور ایک خاندان سے بتایاجارہاہے ۔