علامہ اقبال کرکٹ ٹرافی میں سنسنی خیز مقابلے جاری

اسلام آباد(امت نیوز) علامہ اقبال کرکٹ ٹرافی ٹورنامنٹ میں الیون سٹار، آصف میموریل، کلاسک کلب اور ایسکو کی ٹیموں نے سیمی فائنل کے لئے کوالیفائی کر لیا ہے۔ سیمی مقابلے آئندہ ماہ ستمبر میں الیون سٹار گرائونڈ میں کھیلے جائیں گے۔ آرگنائزنگ سیکرٹری جاوید علی خان نے بتایاکہ ٹورنامنٹ میں 16 ٹیمیں لے حصہ رہی ہیں پہلے سیمی فائنل میں الیون سٹار کا مقابلہ آصف میموریل سے ہوگا جبکہ دوسرے سیمی فائنل میں کلاسک کلب اور ایسکو کی ٹیموں کے درمیان کھیلا جائے گا۔