قلت آب کیخلاف سہراب گوٹھ-راشد منہاس روڈ پر احتجاج

کراچی(اسٹاف رپورٹر)سہراب گوٹھ اور راشد مہناس روڈ کے اطراف کے علاقوں میں قلت آب کے خلاف مکین سڑکوں پر نکل آئے۔ مظاہرین نے رکاوٹیں کھڑی کر کے راستے بند کردیے ، جس کے باعث بدترین ٹریفک جام ہوگیا۔ تفصیلات کے مطابق سہراب گوٹھ کے اطراف کی آبادیوں اور فیڈرل بی ایریا بلاک 14 ، 15 اور 16 میں پانی کی عدم فراہمی پر علاقہ مکینوں کے صبر کا پیمانہ لبریز ہوگیا۔شہریوں نے راشد مہناس روڈ اور سہراب گوٹھ کے سامنے سڑک پر رکاوٹیں کھڑی کردیں، جس کے نتیجے میں گاڑیوں کی لمبی قطاریں لگ گئیں اور دونوں علاقوں میں بدترین ٹریفک جام ہوگیا۔سہراب گوٹھ میں احتجاج سے مویشی منڈی میں قربانی کے جانور خریدنے کیلئے جانے والے شہری گھنٹوں ٹریفک جام میں پھنسے رہے۔