ایمن آباد کے قریب خیبر میل ایکسپریس کا انجن پٹری سے اتر گیا

لاہور سے پشاور کے راستے کراچی جانے والی خیبر میل ایکسپریس کا انجن موڑ ایمن آباد کے قریب پٹری سے اتر گیا، جس کے نتیجے میں مین ٹریک پر ٹرینوں کی آمدورفت شدید متاثر ہوئی ہے۔ ریلوے ذرائع کے مطابق اس حادثے میں کسی قسم کا جانی نقصان نہیں ہوا۔

واقعے کی اطلاع ملتے ہی پاکستان ریلوے کی انتظامیہ نے فوری طور پر جائے وقوعہ پر پہنچ کر ٹریک کی بحالی کے لیے اقدامات شروع کر دیے ہیں۔

ریلوے حکام کا کہنا ہے کہ مین ٹریک کو مکمل طور پر کلیئر کرنے تک دیگر ریل گاڑیوں کی آمدورفت بھی جزوی طور پر متاثر رہنے کا امکان ہے، جبکہ ٹریک کو ٹریفک کے لیے بحال کرنے کا کام تیزی سے جاری ہے۔