فل برائٹ اسکالر پروگرام 2027ء کا اعلان،درخواستیں طلب

ہائر ایجوکیشن کمیشن نے فل برائٹ اسکالر پروگرام 2027ء کا اعلان کردیا

ہائر ایجوکیشن کمیشن نے یو ایس ایجوکیشنل فاؤنڈیشن ان پاکستان کے تعاون سے فل برائٹ اسکالر پروگرام 2027ء کے لیے درخواستیں طلب کرلی ہیں۔

پروگرام کے تحت پاکستانی ماہرین تعلیم اور پیشہ ور افراد کو امریکہ میں تدریس اور تحقیق کے مواقع فراہم کیے جائیں گے۔ اس پروگرام کے لیے ڈاکٹری علاج کے شعبے کے علاوہ دیگر تمام شعبوں میں پی ایچ ڈی کی ڈگری رکھنے والے افراد درخواست دینے کے اہل ہوں گے۔

منتخب امیدواروں کو 10 ماہ تک تدریس اور بعد از ڈاکٹری تحقیق کا موقع دیا جائے گا۔ اسکالرشپ میں فضائی سفر کے اخراجات، ماہانہ وظیفہ، طبی بیمہ اور تحقیقی اخراجات کے لیے مالی معاونت شامل ہوگی۔

آن لائن درخواستیں جمع کرانے کی آخری تاریخ 28 اکتوبر 2026ء مقرر کی گئی ہے۔