محسن نقوی کی واشک آپریشن میں کامیابی پر سکیورٹی فورسز کو خراج تحسین

وفاقی وزیر داخلہ محسن نقوی نے بلوچستان کے ضلع واشک میں آپریشن ردالفتنہ 3 کے تحت کارروائی کے دوران 5 دہشت گردوں کو ہلاک کرنے پر سکیورٹی فورسز کی کارکردگی کو سراہا ہے۔

محسن نقوی نے اپنے بیان میں سکیورٹی فورسز کے عزم اور پیشہ ورانہ صلاحیتوں کی تعریف کرتے ہوئے کہا کہ فتنہ الہندوستان سے منسوب دہشت گردوں کے مبینہ عزائم ناکام بنانے والے سکیورٹی اہلکاروں پر قوم کو فخر ہے۔

وفاقی وزیر داخلہ کا کہنا تھا کہ سکیورٹی فورسز کی کارروائیاں ملکی سلامتی کے تحفظ کے لیے ان کے پختہ عزم کی عکاسی کرتی ہیں۔ انہوں نے آپریشن ردالفتنہ 3 میں حصہ لینے والے اہلکاروں کو خراج تحسین پیش کیا۔

محسن نقوی نے مزید کہا کہ دہشت گردی کے خلاف جنگ میں پوری قوم سکیورٹی فورسز کے ساتھ کھڑی ہے۔