احسن اقبال کا لیاقت بلوچ سے رابطہ، مذاکراتی اجلاس طے

اسلام آباد: وفاقی وزیر احسن اقبال نے جماعت اسلامی کے نائب امیر لیاقت بلوچ سے ٹیلی فون پر رابطہ کیا ہے، جس کے بعد حکومت اور جماعت اسلامی کی مذاکراتی کمیٹیوں کا مشترکہ اجلاس 23 اکتوبر کو اسلام آباد میں منعقد کرنے کا فیصلہ کیا گیا ہے۔

لیاقت بلوچ کے مطابق اجلاس میں وزیراعظم شہباز شریف اور امیر جماعت اسلامی حافظ نعیم الرحمان کی ملاقات بھی طے ہے۔ مذاکرات میں پٹرولیم لیوی کے خاتمے سمیت متعلقہ امور پر بات چیت متوقع ہے۔

لیاقت بلوچ نے بتایا کہ پٹرولیم لیوی کے خاتمے کے مطالبے پر 23 اکتوبر کو ملک بھر میں پُرامن احتجاج بھی کیا جائے گا۔

حکومت اور جماعت اسلامی کے درمیان ہونے والا یہ اجلاس پٹرولیم لیوی کے معاملے پر جاری بات چیت کے حوالے سے اہمیت رکھتا ہے۔