چار سالہ بچے پر تشدد کرنے والی ماں گرفتار

مقامی اطلاعات کے مطابق بچے کی نانی نے اپنی بیٹی کے خلاف پولیس کو درخواست دی تھی، جس میں الزام عائد کیا گیا کہ وہ اپنے کمسن بیٹے پر تشدد کرتی ہے اور اس کی جان کو خطرہ لاحق ہے۔

درخواست موصول ہونے کے بعد پولیس نے خاتون کی تلاش شروع کی اور اسے لاہور سے گرفتار کر لیا۔

اطلاعات کے مطابق گرفتاری کے بعد خاتون نے کہا کہ غصے میں اس سے غلطی ہو گئی اور اسے اپنا بچہ واپس دے دیا جائے۔

پولیس نے واقعے کی مزید تحقیقات شروع کر دی ہیں، جبکہ بچے کی حفاظت کو یقینی بنانے کے لیے اقدامات کیے جا رہے ہیں۔ تشدد کے الزامات اور واقعے کے دیگر پہلوؤں کی تصدیق تفتیش کے بعد ہو سکے گی۔