ایڈرین ہیملٹن مینز پی آئی اے کے نئے سی ای او مقرر

کراچی: پاکستان انٹرنیشنل ایئرلائنز (پی آئی اے) کے بورڈ نے مسٹر ایڈرین ہیملٹن مینز (Mr. Adrian Hamilton-Manns) کو ایئرلائن کا نیا چیف ایگزیکٹو آفیسر (سی ای او) مقرر کرنے کا اعلان کیا ہے۔

بورڈ آف ڈائریکٹرز کے مطابق ایڈرین ہیملٹن مینز کا انتخاب پی آئی اے کی جاری اصلاحات اور بحالی کے عمل میں ایک انتہائی اہم پیش رفت کی حیثیت رکھتا ہے۔ وہ ایوی ایشن کی صنعت میں 30 سال سے زائد کا وسیع ترقیاتی اور قیادت کا تجربہ رکھتے ہیں۔

PIA' Board is pleased to announce the appointment of Mr. Adrian Hamilton-Manns as the CEO.

He brings a wealth of leadership & strategic experience and his appointment marks a pivotal chapter in PIA’s ongoing transformation. He has to his credit managing three airlines as a CEO… pic.twitter.com/ltjDGR6ZEZ

— PIA (@Official_PIA) November 2, 2026

مسٹر ایڈرین ہیملٹن مینز کو ایئرلائنز کی کایا پلٹنے اور ان کی بحالی کا عالمی ماہر سمجھا جاتا ہے۔ اس سے قبل وہ بحیثیت سی ای او تین ایئرلائنز کا کامیابی سے انتظام سنبھال چکے ہیں، جبکہ متعدد عالمی ایئرلائنز میں کلیدی اور قیادت کی اہم ذمہ داریاں بھی ادا کر چکے ہیں۔

پی آئی اے انتظامیہ نے امید ظاہر کی ہے کہ مسٹر ایڈرین کی قیادت اور اسٹریٹجک صلاحیتوں سے قومی ایئرلائن کی بحالی اور جاری اصلاحاتی عمل کو نئی سمت اور تقویت ملے گی۔