نارتھ ناظم آبادمیں واردات کے دوران پولیس مقابلے میں 2 ملزمان ہلاک

کراچی:نارتھ ناظم آبادمیں اسٹریٹ کرائم کی واردات کے دوران پولیس مقابلے میں 2 ملزمان ہلاک ہوگئے۔ایس ایس پی سینٹرل ڈاکٹر رضوان احمد خان نے بتایا کہ ملزمان سیکٹر 15 فور کی گلیوں میں شہریوں سے لوٹ مار کر رہے تھے کہ اطلاع ملنے پر پولیس پارٹی کے پہنچنے پر ملزمان نے فائرنگ کردی اور فرار ہونے کی کوشش کی پولیس کے تعاقب اور جوابی فائرنگ سے 2 ملزمان ہلاک ہوگئے۔پولیس کے مطابق ملزمان کے قبضے سے اسلحہ اور موٹر سائیکل برآمد ہوئی ہے۔ ایس ایچ او آصف منور کے مطابق ملزمان کی فوری طور پر شناخت نہیں ہوسکی۔