ایرانی خاتون نے بیک وقت 6بچوں کو جنم دیا۔تمام صحت مند ہیں

تبریز:ایرانی شہر تبریز میں خاتون نے بیک وقت 6بچوں کو جنم دیا، نومولود میں 4بیٹیاں اور 2بیٹے شامل ہیں۔غیر ملکی میڈیا کے مطابق ایرانی شہر تبریز میں ایک خاتون نے بیک وقت 6 بچوں کو جنم دیا ۔ بتایا گیاہے کہ 23 سالہ حاملہ خاتون کی زچگی کا یہ پہلا واقعہ تھا جس میں اس نے 4 لڑکیوں اور 2 بیٹوں کو جنم دیا ۔دوسری جانب اسپتال انتظامیہ نے بتایا ہے کہ ان تمام بچوں کی پیدائش 27 ہفتوں کے بعد آپریشن کے ذریعے ہوئی ہے اور وہ صحت مند ہیں جن کا وزن 580 تا 960 گرام کے درمیان ہے۔