سرچ آپریشن کے دوران 30 مشتبہ زیر حراست،3 گرفتار

کراچی:پولیس کی جانب سے کراچی کے علاقوںٕ ملیر، آسوگوٹھ،سہراب گوٹھ، الآصف اسکوائر، ڈالمیا روڈ اور چنیسر گوٹھ میں سرچ آپریشن کے دوران 30 مشتبہ افراد کو حراست میں لیا گیا جبکہ 3 ملزمان کو گرفتار کر لیا گیا ہے ۔
سہراب گوٹھ الآصف اسکوائر میں پولیس نے آپریشن کے دوران 10مشتبہ افراد کو حراست میں لے لیا جبکہ منشیات فروشی میں ملوث 2ملزمان کو ایک کلو چرس سمیت گرفتار کر لیا گیا۔ڈالمیا سیمنٹ فیکٹری روڈ پر سرچ آپریشن کے دوران کوئی گرفتاری عمل میں نہیں آئی۔
محمود آ باد کے علاقے چنیسر گوٹھ میں خواتین پولیس اہلکاروں کے ہمراہ آپریشن کے دوران 20 مشتبہ افراد کو حراست میں لے لیا گیا جبکہ ایک اسٹریٹ کرمنل کو اسلحے سمیت گرفتار کیا گیا۔
ادھر گلشن حدید فیزٹو میں ڈکیتی کی واردات کے دوران مزاحمت کرنے پر ڈاکوؤں کی فائرنگ سے ایک شخص زخمی ہو گیا۔