ترکی میں فوجی ہیلی کاپٹر رہائشی علاقے میں گرکر تباہ ، 4فوجی ہلاک

استنبول:ترکی میں فوجی ہیلی کاپٹر گرکر تباہ ہوگیا،حادثےمیں 4فوجی ہلاک جبکہ ایک شدید زخمی ہوگیا۔خبرایجنسی کےمطابق استنبول کے رہائشی علاقے میں فوجی ہیلی کاپٹر گر کر تباہ ہوگیا،ہیلی کاپٹر تربیتی پرواز پر تھا کہ وہ ایک عمارت کی چھت سے ٹکرانے کے بعد دواپارٹمنٹس کے درمیان میں گرگیا جس کے نتیجے میں چار فوجی ہلاک جبکہ ایک شدید زخمی ہوگیا۔
ہیلی کاپٹر گرنے کی وجوہات تاحال سامنے نہیں آئی ہیں،ترک میڈیاکےمطابق چیف پبلک پراسیکیوٹر نے حادثے کی تحقیقات شروع کردی ہیں۔