کراچی میں پولیس سے مقابلوں کے بعد 3 ڈاکو گرفتار۔ متعدد فرار

کراچی کے علاقے محمود آباد اور بہادرآباد میں پولیس نے گھر میں گھسنے اور شہریون سے لوٹ مار کرنے والے 3ڈاکوئوں کو مقابلوں کے بعد گرفتار کرلیا۔

نجی ٹی وی کے مطابق کراچی پولیس نے بہادرآبادمیں گھر میں گھسنے والے ڈاکوکو مقابلے کے بعد گرفتارکرلیااوراس کے قبضے سے اسلحہ اور چھینا گیا سامان برآمد کرکے تھانے منتقل کردیا،گرفتارملزم کے دیگر ساتھی فرار ہونے میں کامیاب ہوگئے۔

محمود آباد پولیس نے شہریوں سے لوٹ مارکرنے والے دوڈاکوئوں کو مقابلے کے بعد گرفتارزخمی حالت میں کرلیا اوران کے قبضے سے اسلحہ ،موٹرسائیکل اورچھینا گیا سامان برآمد کرکے انہیں تھانے منتقل کردیا، پولیس نے ملزمان کیخلاف مقدمات درج کرکے تفتیش شروع کردی ہے ۔