پاکستان کوارٹرزکے قریب کارروائی ، 2ملزمان گرفتار،اسلحہ و منشیات برآمد

کراچی پولیس نے پاکستان کوارٹرزکے قریب کارروائی کے دوران 2ملزمان کو گرفتار کرکےاسلحہ اور سوا دو کلو منشیات برآمدکرلی ۔

نجی ٹی وی کے مطابق کراچی پولیس نے دوران چیکنگ پاکستان کوارٹرزکے علاقے میں دوموٹرسائیکل سوار نوجوانوں کو روکا اور ان کی تلاشی لی تو ان کے پاس سے اسلحہ اور سوادوکلومنشیات نکل آئی جس پر دونوں کوفوری طورپرگرفتارکرلیاگیا.

پولیس نے دونوں ملزمان کو تھانے منتقل کرکے ان کیخلاف منشیات ایکٹ کے تحت مقدمہ درج کرکے تفتیش شروع کردی ہے۔