نیپال کے شہری ہوابازی کے وزیر ہیلی کاپٹر حادثے میں ہلاک

نیپال کے شہری ہوابازی اور سیاحت کے وزیر رویندر ادھیکاری ہیلی کاپٹر حادثے میں ہلاک ہو گئے ان کے ساتھ ہیلی کاپٹر میں سوار دیگرچھ  افراد بھی ہلاک ہو گئے۔

ٹاپل جنگ کے ضلع مجسٹریٹ انج بھنڈاری نے اس سلسلے میں بتایا کہ گاؤں کے کچھ باشندوں کے مطابق انہوں نے تیز دھماکے کی آواز سنی، جس کے بعد وہاں پر دھواں اور آگ دیکھی گئی۔

ضلعی انتظامیہ نے اس حادثے میں رویندر ادھیکاری ، ہیلی کاپٹر کے پائلٹ کیپٹن پربھاکر ، سیاحتی تاجر آنگ چیرنگ شیرپا ، پرسنل سیکیورٹی گارڈ ارجن گھمری، وزیراعظم کے قریبی معاون یوراج دہل ، بریندر شریشٹھ اور دھرو داس بھوچی بھایا کی موت ہونے کی تصدیق کی ہے۔