شاہین آفریدی نے بنگلادیشی بیٹنگ لائن کے پرخچے اڑا دیے

نوجوان فاسٹ بولر شاہین آفریدی کی تباہ کن بولنگ نے بنگلادیشی بیٹنگ لائن کے پرخچے اڑا دیے، پاکستان کے 316 رنز کے جواب میں بنگلادیش کی پوری ٹیم 221 رنز پرڈھیر ہوگئی۔

بنگلا دیش کیخلاف فتح کے ساتھ ہی گرین شرٹس کا مشن ورلڈکپ اختتام پذیر ہوگیا، قومی ٹیم کو سیمی فائنل تک رسائی کے لیے 311 رنز سے فتح درکار تھی تاہم گرین شرٹس کا یہ خواب لارڈز کے تاریخی میدان میں پورا نہ ہوسکا۔

🙌 PAKISTAN WIN 🙌#SarfarazAhmed and Co. finish their #CWC19 campaign with a 94-run win over Bangladesh. pic.twitter.com/orjbLPNEYv

— ICC (@ICC) July 5, 2019

آخری میچ میں ، پاکستان نے بنگلا دیش کے خلاف ٹاس جیت کربیٹنگ کا فیصلہ کیا تو پاکستان کی جانب سے اننگز کا آغاز فخرزمان اور امام الحق نے کیا تاہم صرف 23 کے مجموعی اسکور پر فخرزمان 13 رنز بناکر آؤٹ ہوگئے۔

ون ڈاؤن آنے والے بابر اعظم نے امام الحق کے ساتھ مل کر ٹیم کا اسکور آگے بڑھایا، دونوں نے 157 رنز کی شراکت قائم کی تاہم بابر اعظم 96 رنز بناکر ایل بی ڈبلیو ہوگئے۔ اوپنر امام الحق نے ذمہ دارانہ بیٹنگ کا مظاہرہ کیا اور سنچری اسکور کی تاہم اگلی ہی گیند پر وہ ہٹ وکٹ ہوگئے جب کہ کچھ ہی دیر بعد محمد حفیظ بھی آؤٹ ہوگئے۔

Imam-ul-Haq's 100, Babar Azam's 96 and a 26-ball 43 from Imad Wasim help Pakistan to 315/9. Can Bangladesh chase down the target?

Download the official #CWC19 app for scores and highlights ⬇️
APPLE 🍎 https://t.co/VpYh7SIMyP
ANDROID 🤖 https://t.co/cVREQ16w2N pic.twitter.com/ouPy74rSdX

— ICC (@ICC) July 5, 2019

بنگلادیش کی جانب سے مستفیض الرحمان نے سب سے زیادہ 5 وکٹیں حاصل کیں، محمد سیف الدین نے 3 اور حسن معراج نے ایک وکٹ حاصل کی۔

ہدف کے تعاقب میں نوجوان بولر شاہین آفریدی نے تباہ کن بولنگ کرتے ہوئے بنگلادیشی بیٹنگ لائن  کے پرخچے اڑادیے، پیسر نے شاندار بولنگ کرتے ہوئے 35 رنز کے عوض 6 وکٹیں حاصل کیں۔

پاکستانی بولرز کی نپی تلی بولنگ کے سامنے شکیب الحسن کے سوا کوئی بیٹسمین جم کر نہ کھیل سکا، ورلڈکپ میں سب سے زیادہ اسکور بنانے والے بیٹسمین شکیب الحسن نے 64 رنز کی باری کھیلی جس میں 6 چوکے بھی شامل تھے۔

Shakib Al Hasan at #CWC19

👉 606 runs
👉 11 wickets

TAKE A BOW 👏 pic.twitter.com/iaKyVPRUBO

— ICC (@ICC) July 5, 2019

پاکستان کی جانب سے شاہین آفریدی نے 6، شاداب خان نے 2، محمد عامر اور وہاب ریاض نے ایک ایک وکٹ حاصل کی۔ شاہین آفریدی کو شاندار کارکردگی پر میچ آف دی میچ کا ایوارڈ دیا گیا۔