امریکی صحافی ڈینیل پرل قتل کیس میں ملزمان کی سزا کیخلاف اپیلوں پرفیصلہ سنا دیاگیا،سندھ ہائیکورٹ نے ملزموں کی سزا کے خلاف اپیل کا 18 سال بعد فیصلہ سنایاگیا۔
میڈیا رپورٹس کے مطابق عدالت نے مرکزی ملزم احمد عمر شیخ کے علاوہ باقی تینوں ملزم بری کر دیے ۔عدالت نے احمد عمر شیخ کی سزائے موت کو 7 سال قید میں تبدیل کردیا۔عدالت نے کہاہے کہ احمد عمر شیخ پر اغوا کا الزام ثابت ہوا ،ڈینیل پرل کے قتل کا الزام کسی ملزم پر ثابت نہیں ہوا۔
یاد رہے کہ برطانوی شہریت رکھنے والے ملزم احمد عمر شیخ کو عدالت نے سزائے موت کا حکم دیا تھا،ملزم فہدسلیم ،سید سلمان ثاقب اورشیخ محمد عادل کوعمرقید کی سزادی گئی تھی،ملزمان پرامریکی صحافی ڈینیل پرل کے اغوا برائے تاوان اورقتل کا الزام تھا،فیصلہ جسٹس کے کے آغااور جسٹس ذوالفقار سانگی پر مشتمل بنچ نے سنایا۔