اسلام آباد ہائیکورٹ نے وزیر اعظم کورونا ریلیف فنڈ میں پیسے جمع کرانے کا فیصلہ کیا ہے۔
اسلام آباد ہائیکورٹ کی جانب سے جاری سرکلرکے مطابق عدالت عالیہ کے تمام ججز ایک ایک لاکھ روپے کورونا ریلیف فنڈ میں جمع کرائیں گے جبکہ ہائیکورٹ کے افسران اپنی 2 دن کی تنخواہیں فنڈ میں دیں گے۔گریڈ 17 سے 21 کے افسران بھی اپنی 2 دن کی تنخواہیں وزیر اعظم کورونا ریلیف فنڈ میں جمع کرائیں گے۔
سرکلر میں واضح کیا گیا ہے کہ کورونا ریلیف فنڈ کیلیے تنخواہوں میں کٹوتی رضاکارانہ ہوگی،جو ملازمین تنخواہ سے کٹوتی نہیں کرانا چاہتے وہ تحریری طور پر آگاہ کردیں گے۔