سپریم کورٹ آف پاکستان کے عملے کے ایک شخص میں کورونا وائرس کی تصدیق ہو گئی ہے جس کے بعد حفاظتی اقدامات مزید سخت کر دیے گئے ہیں۔
نجی ٹی وی کے مطابق سپریم کورٹ کے ترجمان نے بتایا ہے کہ سپریم کورٹ کے نائب قاصد احسان میں کورونا ٹیسٹ مثبت آیا ہے جس کے بعد چیف جسٹس گلزار احمد اور ان کے خاندان والوں کے ٹیسٹ بھی کئے گئے تاہم ان سب کی رپورٹس منفی آئی ہیں۔
ترجمان کے مطابق نائب قاصد احسان میں کورونا وائرس کی تصدیق ہونے کے بعد سپریم کورٹ میں موذی وباکیخلاف سخت اقدامات کرتے ہوئے احتیاطی تدابیر میں بھی اضافہ کر دیاگیا ہے۔