سیالکوٹ میں بینک منیجراورگارڈ نے ڈکیتی کی کوشش کرنے والے 2 ڈاکوؤں کو فائرنگ کرکے ہلاک کردیا۔
پولیس کے مطابق ڈسکہ بینک روڈ پر واقع نجی بینک میں 2 ڈاکو داخل ہوئے جبکہ دوران ڈکیتی منیجراور گارڈ نے ڈاکوؤں کو روکنے کی کوشش کی۔
مزاحمت کے دوران منیجراورگارڈ نے ڈاکوؤں پرفائرنگ کردی جس کی وجہ سے دونوں ڈاکو زخمی ہوگئے اورزخمی حالت میں ہی بینک سے فرارہوگئے تاہم کچھ دور جاکر سڑک پرگر پڑے اورہلاک ہوگئے۔
پولیس نے ڈاکوؤں کی لاشیں تحویل میں لے کر پوسٹ مارٹم کے لیے اسپتال منتقل کردی ہیں جبکہ واقعے کا مقدمہ بھی درج کرلیا گیا ہے۔